QUBADLI

Qubadlı, adınla fəxr edirəm mən,
Qeyrətli qızların, oğulların var.
Nəbini eşitdim. Əlyarı gördüm,
Həcərin adını, unutmaq olar?

Əlyarın hər işi, elə örnəkdir,
Qız gəlin həyalı, döyüşdə qartal.
Onun əvəzinə kaş mən ölərdim,
Vətənin Əlyara ehtiyacı var.

Belində silahı, qarmon çalardı,
Müsəlləh əskərim, igid Əlyarım.
Dostların bir anlıq, könlün alardı,
Üzündə sadəlik, mərdlik Əlyarın.

Düşmənin ciyəri yansın, ay Allah,
Hələ də yanırıq, bizi yandırdı.
Suala, cavabı tapmıram Vallah,
Analar yenidən, Əlyar doğarmı?!

Təskinim oğludur, ekranda gördüm,
Əsgəri paltarda, çiynində paqon,
«Fəxr edirəm, Əlyarın oğluyam» dedi,
Onunla fəxr edir, cəm Azərbaycan.

Qaratel Azəriшаблоны для dle 11.2