EYRUZ SURXAY OĞLU MƏMMƏDOV

 
EYRUZ SURXAY OĞLU MƏMMƏDOV 1953-cü ildə Bakı şəhərində anadan olub. 1958-ci ildən Sumqayıt şəhərində yaşayır. 12 saylı Sumqayıt orta məktəbini bitirmişdir. Ali təhsillidir. Azərbaycan Dövlət Universitetini bitirib. İxtisasca jurnalist-filoloqdur. 15 yaşından mətbuatda çalışır. Çoxtirajlı “Kimyaçı” qəzetində korrektor, “Sosialist Sumqayıtı”qəzetində (indiki “Sumqayıt” qəzeti) teletaypçı, korrektor, müxbir, şöbə müdiri, 1990-cı ildən 2010-cı ilədək rusdilli “Exo Sumqayıta” qəzetinin Baş dedakdoru vəzifəsində çalışıb.
1970-90-cı illərdə məqalələri Bakıda və Moskvada nəşr olunan “Azərbaycan Gəncləri”, “Kommunist”, “Bakinski raboçi”,“Moskovskie novosti”, “Sosialistiçeskaya industriya”, “Komsomolskaya Pravda”, “Trud”, “Meqapolis ekspress” qəzetlərində dərc olunub. 1977-1981-ci illərdə “Sosialistiçeskaya industriya” qəzetinin ictimai əsaslarla Sumqayıtda xüsusi müxbiri olub.
30 ildir 1988-ci ildə Sumqayıtda baş verən hadisələrin tədqiqatı ilə məşğuldur. “Sumqayıtın əks-sədası” tammetrajlı, “Sumqayıtın əks-sədası-2” 5 seriyalı, “Sumqayıt”, “Sumqayıt: Azadlığın əks-sədası” sənədli filmlərin ssenari müəllifidir. 1990-94-cü illər ərzində sənədli filmin çəkilişləri ilə bağlı Moskvada, Sank-Peterburqda (Leninqrad), Smolenskda, Stavropol vilayətində mərhum kino-rejissor Davud İmanovla ezamiyyətdə olub.
SSRİ Kommunist Partiyası Mərkəzi Komitəsinin Baş katibi M.Qorbaçovdan. SSRİ Müdafiə naziri, Mərkəzi Komitənin Siyasi Bürosunun üzvü D.Yazovdan. SSRİ Dövlət Təhlükəsizlik Komitəsinin sədri, Siyasi Büronun üzvü V.Kruçkovdan, Mərkəzi Komitənin katibləri, Siyasi Büronun üzvləri A.Yakovlevdən, Y.Liqaçovdan, SSRİ Ali Sovetinin sədri A.Lukyanovdan, bir sıra demokratlardan, jurnalistlərdən, politoloqlardan müsahibələr almışdır.
Azərbaycan Yazıçılar və Jurnalistlər Birliklərinin, Rusiya Beynəlxalq Jurnalistlər Assosiasiyasının, Ümumdünya Jurnalistlər Konfederasiyasının üzvüdür.
H.B.Zərdabi, “Qızıl qələm”. “ARAZ” Ali-Ədəbi mükafatların laureatıdır.
 шаблоны для dle 11.2